e-distrito


O descarrilamento do tren Vigo-Porto afonda aínda máis na alta sinistralidade das comunicacións galegas.

O descarrilamento do tren Vigo-Porto afonda aínda máis na alta sinistralidade das comunicacións galegas.

  Galicia é a comunidade con máis mortos en sinistros ferroviarios, o punto máis conflitivo de Europa en accidentes de petroleiros, e a rexión de España con máis puntos negros nas súas estradas.

  12 setembro 2016

  Catro mortos e corenta e oito feridos foron o balance humano que deixa o tren sinistrado na mañá deste venres. O coñecido comúnmente como Celta, operado de maneira conxunta por Renfe e Comboios de Portugal e que une a cidade de Vigo con Porto a través de Valença do Miño, configúrase como un dos máis antigos que circulan por Galicia. De feito, este non levaba instalado o sistema Asfa dixital, que tería frenado o tren se superase os 60 km/h e que outros convoys da mesma liña sí que posúen. O tren saíu de Vigo ás nove da mañá e tiña previsto chegar a Porto algo máis de dúas horas despois, pasadas as dez da mañá hora portuguesa. Eran preto das nove e media da mañá cando ao aproximarse á estación do Porriño, onde non tiña parada programada, descarrilou, xusto tras pasar sobre dous cambios de vías. Chocou primeiro contra a base dun paso superior de pedra e logo contra unha torre eléctrica de metal, onde quedou detido co primeiro vagón automotor envorcado e a súa cabina notablemente danada, mentres que os outros dous vagóns, aínda que tamén descarrilados, permaneceron en vertical. O suceso abre unha investigación administrativa realizada pola CIAF -Comisión de Investigación de Accidentes Ferroviarios-, e outra xudicial iniciada polo xulgado de garda do Porriño.

  O atraso endémico que arrastra Galicia repercute nunha tráxica confluencia que afecta de maneira drástica ás comunicacións tanto por estrada e ferrocarril como marítimas. Os datos multisectoriais e a estatística o confirman. Según o informe EuroRAP 2015 (Programa Europeo de Avaliación de Risco en Estradas) Galicia é a CCAA con maior proporción de estradas consideradas de alto risco con ata un 19% das súas vías afectadas. No eido ferroviario o accidente de Angrois con 79 mortos e 140 feridos e o presente de Celta colocan a Galicia como a comunidade con máis víctimas mortais do estado. E a nivel desastres ecolóxicos marítimos, Galicia é o punto de Europa de maior incidencia con casos tan apegados á memoria colectiva como o do Urquiola (vertedura de 100.000 toneladas en 1976), Mar Egeo (vertedura de 67.000 toneladas en 1992) ou o Prestige (vertedura de 77.000 toneladas en 2002).

  Foto: Marcos U. Pérez

Ver todas as noticias

© 2017 E-distrito. Todos os dereitos reservados.
Queda rigorosamente prohibida a reprodución total e/ou parcial, por calquera medio ou procedemento, do contido (incluíndo textos, fotografías, imaxes, e vídeos entre outros) existente en www.e-distrito.com, sen autorización expresa. www.e-distrito.com non adquire responsabilidade sobre a veracidade ou exactitude da información descrita. As seccións Axenda e Noticias son as únicas onde se exceptúa o anterior copyright para pasar a CC BY-SA.
E-distrito adica o 0,7% dos seus beneficios a fins de interese social, erradicación da pobreza e marxinalidade, preservación do medio, desenvolvemento sostible e defensa dos animais.