A traxectoria profesional de Xacobe Martínez Antelo deixa un balance de máis de 4o discos dos que forma parte como baixista, contrabaixista ou director musical. O seu songbook persoal, só no eido do Jazz, sobrepasa xa as 70 composicións orixinais; material publicado nas distintas entregas discográficas que o contrabaixista de Compostela foi deixando polo camiño. Presentamos agora a súa quinta formación como líder. Un renovado Quinteto integrado por 5 dos máximos expoñentes do Novo Jazz Galego. Unha nova formación na que amosan un traballo profundo, maduro, absolutamente ancorado no presente, e que rebosa música de altísima calidade polos catro costados.
