Dous nenos duns once anos enfróntanse con violencia nun parque. Beizos inchados e dous dentes rotos.... Os pais da "vítima" convidan á súa casa aos pais do "matón" para resolver o conflito. O que comeza sendo unha charla con bromas e frases cordiais, adquire un ton máis violento a medida que os pais van revelando as súas ridículas contradicións e grotescos prexuízos sociais.
As parellas empezarán a insultarse sen reparo algún, e mesmo non dubidarán en sacar os trapos sucios dos seus respectivos matrimonios. Aquí non hai nin bos nin malos. Nin tan sequera vencedores e vencidos. Só catro adultos que se encerellan nunha calorosa discusión que vai desvariando máis e máis a medida que esta se vai alongando innecesariamente.
Con Marta Lado, Toño Casais, María Ordóñez e Dani Trillo
Dirección e adaptación: Artur Trillo
Escenografía e deseño iluminación: Dani Trillo
Produción de Talía Teatro
