A gala da Temporada Lírica estará protagonizada polo cantante venezolano Samuel Mariño, acompañado ao piano por Jonathan Ware. O sopranista chega por primeira vez a Galicia e “ofrecerá un
fantástico repertorio camerístico que estamos seguros de que ha de acadar o aplauso do público”, asegura Aquiles Machado, director artístico da Asociación Amigos da Ópera da Coruña.
Na Coruña teremos a oportunidade de desfrutar non soamente da súa voz, senón tamén dunha posta en escena distinta, innovadora e aplaudida alá por onde pasa.
