.

  Roge Fdez. Taller de Arte El Tigre de Montealto. 

  Taller de arte onde desenvolvo a miña labor pictórica e imparto clases a nenos/as e adultos.

  Nos últimos 4 anos, e a través do proxecto CINEFILIAS, adiqueime case en exclusiva a realizar retratos de actores, actrices e personaxes que deixaron pegada no imaxinario popular. Actualmente CINEFILIAS xa supera os 200 retratos.

  Isto levoume a atender encargos e realizar todo tipo de retratos: individuais, de parellas ou grupos e incluso de mascotas.

  Polas tardes imparto talleres a nenos/as e adultos en grupos reducidos.

Instagram @rogefdez
Facebook #mesié roge fdez

  Nace na Coruña en 1973. Licenciado en Dereito, realiza ao tempo estudos de “Artes aplicadas ao volume” na escola Pablo Picasso da Coruña. Posteriormente especialízase en Talla en Pedra pola Escuela de Artes y Oficios de Granada.

  Durante anos alterna a súa labor creativa, principalmente pictórica, con diversos traballos e oficios que amplían o seu coñecemento dos materiais e ferramentas escultóricas. Á experiencia do seu traballo nunha fundición artística, súmase a de carpinteiro e ebanista. Traballa tamén como xefe de moldes para Sargadelos en O Castro, e perfecciona a súa técnica de talla en pedra e mármol tallando imaxes relixiosas para unha marmolería. A súa formación escultórica continúa desenvolvéndose en Granada, Toledo, Jerez de la Frontera, onde realiza diversas exposicións, e na Coruña, onde modela e esculpe figuras para unha fábrica de maniquíes e escaparatismo.