E-distrito. A primeira plataforma xeralista da Coruña.

Noticias

Lanzan ‘Velaquí’, o WeTransfer galego

Lanzan ‘Velaquí’, o WeTransfer galego

  Punto Gal e Dinahosting conmemoran o Día das Letras coa posta en marcha dun servizo de intercambio de arquivos na rede. 

  Punto Gal tamén ofrece un desconto para os novos dominios a un prezo de menos de 17 euros máis IVE.

  15 Maio 2.017

  A asociación Punto Gal e a empresa Dinahosting acaban de lanzar a web Velaquí, un servizo de intercambiador de arquivos desenvolvido e localizado en Galicia. Cun funcionamento semellante ao popular portal WeTransfer, o servizo permite compartir arquivos de ata un total de 2GB a través da rede. A iniciativa enmárcase dentro da celebración do Día das Letras.

  Na web Velaqui.gal, os usuarios só terán que introducir o seu enderezo de correo electrónico e subir os arquivos que desexen. Unha vez procesado o arquivo, xérase un enlace que o usuario poderá compartir con quen queira. Velaquí ofrece tamén as opcións de compartir os arquivos de xeito público ou privado, así como a posibilidade de cifralo, establecer unha data de caducidade para o enlace ou un límite de descargas.

  Para celebrar o Mes das Letras, Punto Gal tamén ofrece un desconto para os novos dominios a un prezo de menos de 17 euros máis IVE.

  Derivado de GCiencia.

Ver todas as noticias